Gustavo de Maeztu Museoko «Iradokizunak» erakusketa guneak Floren Fernandez de Retana Loboren lana hartuko du

Gustavo de Maeztu Museoak Floren Fernandez de Retana Loboren lan bat aurkeztuko du “Iradokizunak” erakusketa gunean

Gustavo de Maeztu Museoak «Iradokizunak» erakusketa gunea du sarreran. Aldi baterako, artearen munduko obra eta gertaera garrantzitsuak biltzen dituen espazioa.

Oraingo honetan, Floren Fernandez de Retana Loboren lana izanen da ikusgai, Erretan izenarekin ezaguna.

Gustavo de Maeztu Museoko «Iradokizunak» espazioan ikusgai dagoen lana diptiko bat da, gaur egun Iruñeko Ziudadelako Labean ikusgai duen «Korintoko brontzea» erakusketaren aurreko apuntetzat har daitekeena.Erakusketa honetan, metalezko kulunkaulkiak eta artikuluak ikus daitezke, materialei eta metalaren antzinako artisautzaren oroimenari buruz egindako gogoeta sortzaileen irudikapen gisa.

Ukrainako gerraren hasieran Erretanek sortutako serie honetan, erasokortasuna irudikatzen duen zepoaren izugarrikeriarekin kulunkarien baretasuna bereizten duen hari mehearen sinbologia irakur daiteke.

Maeztuko piezak, erakusketan aurki dezakegunaren bestelako izaera du. Diptiko honetan ez dugu agresibitaterik aurkitzen, Ziudadelako Labean erakutsitako piezen metalezko zepoetan ikusten dugun bezala, lehenengo tranpak izan zirenak, gero antigoaleko gauzak eta azkenik amesgaiztoak. Kasu honetan, aldaketa bat dago bere ibilbidean, erabilitako elementuek elkarri eragiten diotela iritzita.

Lan honetan, artistak bere ibilbide artistikoan zehar landu dituen bi elementu agertzen dira, zura eta metala, Ziudadelako obretan ere presente dauden elementuak.

Museoak «Iradokizunak» espaziorako egin zion proposamenaren ondorioz sortua. Artistak Ziudadelako Labean erakutsitako lanak bezain irmotasunik gabeko obra sortu zuen Lizarrarako, Iruñean aurki dezakegunaren ataritzat har daitekeena.

Obran, egunkari zati bat dago eta, bertan, lumaz eginiko zirriborro txiki bat ikusten da. Hori izan daiteke Ziudadelan erakutsitako pieza baten lehen sorkuntzaren unea, eta kontuan har daiteke gaur egun Ziudadelan ikusgai dagoen «Korintoko brontzea» erakusketaren sorreraren hasiera.

Floren Fernandez de Retana

Florentino Fernandez de Retana Lobo (Erretan) Lizarran jaio zen 1954an, Bartzelonako l´Hospitalet de Llobregat herrian bizi eta lan egiten duen arren. Florentino Retana margolariaren semea da, eta lau hamarkada baino gehiago daramatza pinturan eta eskulturan lan egiten. Gustavo de Maeztu Museoaz gain, bakarkako erakusketak egin ditu Bartzelonan, L´Hospitalet de Llobregaten, Gasteizen, Iruñeko Ziudadelan, Teruelen, Eivissan, Madrilen, besteak beste.

Nafarroako Aurrezki Kutxa, Iruñeko eta L´Hospitalet de Llobergat-eko udalak, Noesis Fundazioa, Bassats Bilduma, Juan Cabré Museoa, Gasteizko Vital Kutxa edo Bilboko Sagardi eta Sabadelleko Urbasa bezalako bildumak, besteak beste, bere obrak dituzte.

Museorako sarrera doakoa da eta asteartetik larunbatera, 9:30etik 13:30era eta igande eta jaiegunetan, 11:00etatik 14:00etara bisitatu daiteke.