Erakundea
Gustavo de Maeztu Museoa Lizarrako Udalarena da. 1991tik hitzarmen bat sinatua du Nafarroako Gobernuarekin, eta, horren bidez, bi erakundeen arteko lankidetza ezartzen da museo hori sortzeko. Horrela, Nafarroako Gobernuak eraikina eta Lizarrako Udalak Gustavo de Maezturen bilduma ematen dute, eta Museoaren kudeaketa erabat udalarena da.
Museoak barne araudi bat du, 1999ko uztailaren 7ko Nafarroako Buletinaren 84. zenbakian argitaratua. (Ikusi araudia).
Nafarroako Museo eta Bilduma Iraunkorrei buruzko uztailaren 2ko 10/2009 Foru Legea onartu ondoren, Gustavo de Maeztu Museoa Nafarroako Museoetako bat dela aitortzen du aipatutako Legearen Bigarren Xedapen Gehigarriak.
2010eko ekainaren 14an, Kultura eta Turismo Sailaren (Príncipe de Viana erakundea) eta Lizarrako Udalaren arteko hitzarmenaren bidez, Gustavo de Maeztu Museoa Nafarroako Museo eta Bilduma Museografiko Iraunkorren Sisteman sartu zen.
Ezarritako lankidetza-esparruan, Lizarrako Udalak eta Kultura eta Turismo Sailak-Príncipe de Viana Erakundeak hitzarmen bat sinatzen dute urtero Gustavo de Maeztu Museoaren funtzionamendu-gastuak finantzatzeko. Hitzarmen horren bidez, Museoak 25.000 euro jaso zituen 2010ean eta 10.000 euro 2011n.
Erakundea ezagutzea
Gustavo de Maeztu museoa udal museo monografikoa da. 1991ko ekainean ireki zituen ateak. Nafarroako Gobernuaren jabetzakoa den Nafarroako Erregeen Jauregian dago. Bilduma osoa Lizarrako Udalarena da, Museoaren kudeaketaren titularra.
Museoaren Araudia 1998an argitaratu zen NAOn, eta Museoaren barne-funtzionamendua arautzen du argitaratu zenetik.
Helburuak eta xedeak
Gustavo de Maeztu Museoak helburu hauek ditu:
- Lizarrako udal bilduma osatzen duen ondareko ondasunen babesa eta kontserbazioa bermatzea, eta ondasun horiek aberastu eta hobetzea sustatzea.
- Jendearen sarbidea erakustea eta bermatzea, eta ikertzaileei haien azterketa erraztea.
- Museoaren bilduma osatzen duten obren ezagutza eta zabalkundea bultzatzea, hezkuntza-programak eta kultura-dibulgazioko jarduerak bultzatuz eta garatuz.
- Langile espezializatuak ikertzeko eta prestatzeko programak garatzea eta beste museo, unibertsitate edo kultura-erakunde batzuekin lankidetza-harremanak ezartzea, aldi baterako erakusketak antolatuz eta beren helburuak betetzeko baterako ekintzak garatuz.
- Foru edo udal administrazioko organo eskudunek eskatzen dizkioten aholkularitza, azterketa, informazio edo irizpen zientifiko edo teknikoko zerbitzuak ematea, edo erakunde publiko edo pribatuei pertsona fisikoekin emandako hitzarmen edo kontratuetatik eratorritakoak, erregelamendu bidez zehazten diren baldintza eta betekizunekin.
