«Hamalau gehiago eta harago» erakusketa
«Ametsak begietara doazenean eta itsaso asaldatuen laztanak xuxurlatzen dituztenean»
Ángela Moreno
2022KO URRIA – 2023KO URTARRILA
Erakusketaren komisarioak: Mikel Calvo Villaba eta Mia Coll
Museo-zerbitzuen koordinazio-arduraduna: Marta Arriola
Gustavo de Maeztu Museoko koordinazio-arduraduna: Silvia Corrales
«Hamalau gehiago eta harago» aldi bereko aldi baterako erakusketa-proposamena da, non Nafarroako museo eta bilduma museografiko iraunkorren sareari atxikitako erakundeak Nafarroako Gobernuaren Museoen Zerbitzuarekin batera elkartzen diren sorkuntza garaikidea hedatzeko.
«Hamalau gehiago» erakusketa 2021eko amaieran eta 2022ko hasieran egon zen ikusgai Nafarroako Museoan, eta 2020an Vianako Printzea Kultur Erakundearen Zuzendaritza Nagusiak foru erkidegoko kultur ondarea handitzeko erosi zituen hamalau lanak ezagutaraztea zuen helburu.
2022ko irailaz geroztik, hamalau obrak museo eta bilduma museografiko iraunkorren sarea osatzen duten Nafarroako hamalau museo-zentrotan sakabanatzen dira.
Gustavo de Maeztu Museoak, 2010etik Nafarroako museo eta bilduma museografiko iraunkorren sistemaren parte denak, kasu honetan, Angela Moreno artista nafarrak 2020an egindako «Ametsak begietara doazenean eta itsaso asaldatuen laztanak xuxurlatzen dituztenean» (ehuna, marrazkia eta grabatua) obra hartzen du.
Biografia:
Angela Moreno Arte Ederretan lizentziaduna da Euskal Herriko Unibertsitatean, Grabatu espezialitatean, 1986an.
LA LAGUNAko Unibertsitateko (Tenerife) Arte Ederretako Fakultateko irakasle elkartua izan zen 1990etik 1994ra.
Gaur egun, ZUBIARTE Grabatu Tailerra zuzentzen du, 1996tik gaur egun arte Nafarroan Obra Grafikoa editatzen eta zabaltzen duen zentroa, eta Huarteko Udaleko Kultur Etxean helduentzako Marrazketa eta Pintura irakaslea da 1999tik.
“Grabado no tóxico: manual sobre los procesos de intaglio-type sin mordida” izeneko liburua argitaratu du 2005ean.
Obra grafikoko hainbat erakusketa antolatu eta komisariatu ditu, besteak beste, honako hauek: “Grabatua: hedabide berriak, ikuspegi berriak” Nafarroako Unibertsitate Publikoko aretoan 1998an, “Grabatu ez-toxikoa, Intaglio-Type”, Iruñeko Ziudadelan 2003an, edo Zubiarte Grabatu Tailerrarekin zerikusia duten artisten ekoizpenari buruzkoak.
- urtean, “Grabatuko Sari Nazionala 1999” zela eta, Grabatua prestatzeko eskolak eman zituen Nafarroako Museoan.
OkUPGRAF 2001 Grafikari buruzko II. Topaketen Nafarroako koordinatzailea izan zen.
Era berean, Uharteko Udalak 2003. urtean antolatutako “La Gráfica Hoy” zikloaren koordinatzaile artistikoa izan zen. Zikloa grabatuari eta argazkigintzari eskainita egon zen, eta erakusketa, tailer, hitzaldi eta argitalpen batzuk barne hartu zituen.
2006-2007 eta 2007-2008 urteetan San Jorgeko Civivoxeko olio-pinturako irakaslea eta 2006-2007ko Iruñeko Udaleko Nabarreriako erretratu-tailerrekoa.
Bi ikastaro eman ditu “Zeramikari, paperari, oihalari eta kristalari aplikatutako serigrafia”ri buruz, URBAN programaren eta artisauei zuzendutako «Arteen mintegiaren» barruan, bata IWERen lokaletan eta bestea Jus la Rochan, CEINek antolatuak. Halaber, ikasketa ertainetako irakasleei zuzendutako grabatu ez-toxikoko bi ikastaro eman ditu, Iruñeko ILZk 2005 eta 2007an antolatuak; eta ikasgelari aplikatutako grabatuko ikastaro bat, irakaskuntza ertainetako irakasleei zuzendua, Iruñeko ILZk antolatua 2006an.
Related
